Алфа Ромео со воодушевување го објавува лансирањето на новиот автомобил Alfa Romeo Quadrifoglio Super Sport - ограничено издание од 450 автомобили, 275  Giulia и 175 Stelvio, дизајнирани за да оддадат почест на спортското наследство на марката.

Оваа специјална серија му оддава почест на легендарниот модел од минатото: првиот автомобил на Алфа Ромео кој победи на трката Миле Миља (илјада милји). Во 1928 година, марката триумфираше на второто издание на познатата трка, не само благодарение на талентот на неговите двајца возачи - Џузепе Кампари и Џулио Рампони - туку и на исклучителните перформанси на неверојатниот автомобил: Alfa Romeo 6C 1500, познат како „Super Sport“. Овој автомобил ѝ обезбеди на марката победа за паметење и го означи почетокот на долгата серија успеси. Денес името „Super Sport“ е подготвено да се врати за повторно да ги разбуди емоциите од тој исклучителен миг.

Новите Giulia и Stelvio Quadrifoglio Super Sport ја задржуваат спортската ДНК на овие смели модели, додавајќи допир на техничка и стилска префинетост. Исклучителната динамика на возење и моќниот мотор од 520 КС се соединуваат со компоненти од карбонски влакна, тука се црвените детали во внатрешноста, а логото Quadrifoglio за прв пат во историјата на Алфа Рoмео е во црна боја.